തണൽ മരം

വെട്ടി മുറിച്ചിട്ട പൂക്കാമരമിതു
പൂത്തൊരു കാലമതോർക്കുന്നു ഞാൻ.
തേനൂറും മാമ്പഴം കഴിച്ചോരാ കലാമതു
ബാല്യകാലത്തിന്റെ ഓർമ്മകളിൽ മാത്രമായി...
എത്താമരച്ചില്ലനോക്കി കല്ലുകൾ പെറുക്കി എറിഞ്ഞൊരാ കാലമതു ഇന്നു മനസ്സിൽ ഓർത്തിടുന്നു...

ഓർമകൾ ബാക്കിയായ് എന്നുടെ മുമ്പിലായ്
തണൽ തന്നു ഫലം തന്നു കാത്തൊരാ മരമതു യന്ത്രമുനതുമ്പിലായ് വെട്ടിമുറിപ്പതും.
എതിർക്കാൻ കഴിയാതെയെൻ ഉള്ളം പിടയുന്നു..
മാനുഷാനിന്നുടെ ലാഭകൊതിയുടെ മുന്നിലായ് പൂക്കാമരമതും ധനത്തിനുപാത്രമായ്...

മഴക്കെടുതി

തലയറ്റു പോയൊരാ മരത്തിൻ ചുവട്ടിലായി
പാഞ്ഞൊഴുകുന്നൊരീ മഴവെള്ളപാച്ചിലിൽ
കാടുകൾവെട്ടി പടുത്തുയർത്തിയ കെട്ടിടങ്ങൾക്കുമേൽ കുതിചൊഴുകുന്നൊരി ജലമർമ്മരങ്ങൾപോൽ പ്രകൃതിതൻ
സംഹാരതാണ്ഡവം..

മഴയുടെ കോപത്തിൽ മുന്നിലായ്
കുത്തിയൊഴുകുന്ന മഴവെള്ളപാച്ചിലിൽ
ഉരുൾപൊട്ടിയൊഴുകി ആർത്തട്ടഹസിക്കുന്ന
മഴയുടെ മുരൾച്ചയിൽ..

നിറഞ്ഞൊഴുകുന്നൊരാ നേരത്തു
പുഴകൾ നികത്തി വെട്ടി പിടിച്ചൊരാ കെട്ടിടങ്ങൾക്കു മേൽ പുഴയുടെ ആധിപത്യത്തിൽ മുകളിലായ് നില തെറ്റിയകലുന്ന മാനവ ജന്മങ്ങൾ..